Santiago
+15° C
Actualizado
miércoles, 10 agosto 2022
20:21
h

Visitas guiadas para coñecer o patrimonio de Vimianzo

Son de carácter gratuíto // Céntranse no castelo, o castro das Barreiras, o dolmen de Pedra Cuberta e o porto de Cereixo

O Concello de Vimianzo quere dar a coñecer as súas riquezas monumentais e paisaxísticas, e para iso impulsa as visitas guiadas ao seu patrimonio desde este sábado ata o vindeiro 31 de agosto.

A reserva será obrigatoria ata unha hora antes do comezo das actividades no formulario dispoñible no enderezo web de turismo, e o aforo máximo será de 25 persoas.

Así, de martes a venres desenvolveranse as visitas ao Castelo entre as 11.00 e as 19.00 horas; ao Castro das Barreiras, ás 12.00 horas; ao dolmen de Pedra Cuberta ás 13.00 horas e ao porto de Cereixo, ás 17.00 horas.

Os sábados celebraranse tamén, ás 17.00 e ás 19.00 horas, visitas ao Castelo de Vimianzo, monumento que albergará tamén estas actividades en domingo, sempre ás 11.00 e ás 19.00 horas.

No principal monumento dste municipio soneirán haberá ademáis visitas teatralizadas cos Quinquilláns ás 12.30 e ás 17.00 horas.

O inicio de cada unha das visitas terá lugar no propio recurso, excepto en Cereixo, que partirá da igrexa. Hai que sinalar que todas as visitas son completamente de balde.

05 ago 2022 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.