Chegan as axudas a todos os galegos que competiron nos Xogos de Toquio
Xa teñen os deportistas olímpicos e paralímpicos máis de 250.000 € pola liña ‘Reto Galicia 2021’
Santiago. Os 40 deportistas olímpicos e paralímpicos galegos que asistiron aos Xogos de Toquio recibiron máis de 250.000 euros euros a cargo da liña de Axudas Reto Galicia Tokyo con Igualdade 2021, froito da colaboración entre a
Consellería de Emprego e Igualdade e a Secretaría Xeral para o Deporte. Había catro tipos de axudas, segundo as participacións e os logros.
Coa última resolución publicada, xa foron realizados todos os pagos, en tres quendas: Agustín Alejos, Javi Gómez Noya, Támara Echegoyen, Teresa Portela e Sebastián Rodríguez Veloso (10.000 euros); María Bernabéu, Martín de la Puente e Francisco Garrigós (8.000 €); Julia Benedetti, Daniel Castro, Caetano Horta, Nico Rodríguez, Niko Sherazadishvili e Álex Vidal (5.000 €); e Gustavo Rodríguez e Celso Comesaña (2.500 €), o 22 de xullo.
Tamara Abalde e Iago López Marra (8.000 €); e Raquel Carrera, Alberto Gaitero, Jacobo Garrido, Adiaratou Iglesias, Antía Jácome, Adrián Mosquera, Enmanuel Reyes e Desirée Vila (5.000 €), o 23 de agosto.
E con data 11 de outubro, Gustavo Nieves e Juan Antonio Saavedra (10.000 €); Rodrigo Germade (8.000 euros); e Alberto Abalde, Vicky Alonso, Carlos Arévalo, Adrián Ben, Rodrigo Corrales, Alicia Fernández, Manuel Lorenzo, Ana Peleteiro, Belén Toimil e Iván Villar (5.000 €).
Susana Rodríguez Gacio foi a única que acadou dúas axudas (8.000 e 2.500 €) por participar en dúas probas. ECG