Deputación da Coruña e UDC estudan novos pulos para o deporte inclusivo

BOA SINTONÍA Deputación da Coruña e Universidade da Coruña (UDC) estudan ampliar as súas actuais liñas de colaboración para apostar pola promoción do deporte inclusivo, que poden practicar conxuntamente persoas con e sen diversidade funcional.

A deputada responsable da área de Deportes, Cristina Capelán, reuniuse na sede da Deputación coa vicerreitora de Igualdade, Cultura e Deporte da UDC, Cristina López Villar, e coa directora de Deportes da institución académica, Marta Bobo Arce, para abordar posibles liñas de colaboración en distintos campos do deporte, entre eles o referente a modalides inclusivas.

Ambas institucións manteñen desde hai anos fortes vínculos na promoción de actividades culturais e deportivas e no mantemento e mellora de diversas infraestruturas. REDACCIÓN