Santiago
+15° C
Actualizado
sábado, 18 septiembre 2021
20:59
h

Enxalza Lete ao ‘promotor de exercicio físico e saúde’

Santiago. O secretario xeral para o Deporte, José Ramón Lete Lasa, acompañou na última xornada do curso A figura do promotor de exercicio e saúde en concellos galegos a unha vintena de técnicos deportivos locais que se están formando nesta actividade levada a cabo pola Fundación Deporte Galego. Alí, enxalzou a figura do promotor “por ser os nosos socios máis importantes na prescrición de actividade física en todos os rangos de idade da nosa poboación” e o enlace directo cos cidadáns “para acadar esa sociedade activa e saudable que tanto desexamos”.

Dentro dos contidos que se impartiron ao longo de tres días na Escola Galega de Administración Pública (27, 28 e 29 de abril), Lete destacou, por unha banda, “a prescrición do exercicio para maiores”, e lembrou como en 2021, a ferramenta DAFIS, destinada a tomar valoracións da actividade física e da saúde dos nenos galegos para establecer programas adecuados que contribúan á mellora da súa saúde, desenvolverá “un proxecto para a prescrición de exercicio en persoas maiores de 60 anos desde os centros de saúde, seguindo as directrices da OMS e no que colaborará a Consellería de Política Social”, dixo. ECG

30 abr 2021 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.