Novos éxitos para a SD Compostela Atletismo

COMPETICIÓNS A SD Compostela Atletismo acadou tres medallas no Galego de 5 km, disputado en Bertamiráns, cita na que foi o club máis numeroso. Jordi Carrasco fíxose co bronce na categoría M45 con marca persoal, mesmo metal ca Damián Espasandín en M35 a tan só un segundo da prata. Precisamente Amador Pena lograba a prata en M40 igualando o seu mellor rexistro na distancia.

Tamén na fin de semana a SD Compostela estivo presente na Subida á Curota, con victoria de Nuno Costa.

En Madrid, Lara Santos debutou na media maratón cun crono de 1h48’. ECG