Parada e Barreira gañan o Autonómico BTT Maratón
Viveiro Bike Xtreme Un selectivo percorrido de 65 quilómetros polos montes da Mariña Lucense puxo a proba a capacidade de resistencia dos participantes na última cita da temporada autonómica de Cross Country Maratón (XCM). Nove bikers acadaron o título de campións de Galicia de BTT Maratón na Viveiro Bike Xtreme co máster-30 Manuel Parada (CM Xesteiras) e a elite Teresa Barreira (Extol MTB Team) como dominadores.
Tras o gañador chegou o máster-40 asturiano Javier del Cueto (La Deva) quen non se puido relaxar ata o final porque a só 6” do asturiano rematou Sául López. O monfortino obtivo o título elite e o terceiro posto absoluto mentres que o novo campión máster-40 é Diego Álvarez (MTC Team).
A pontenovesa Teresa Barreira impúxose con remontada incluída. A elite do Extol parou o crono en 4:26:26, vencendo con 36” de colchón sobre a máster-30 Eva Ortega (Biciosos Rías Baixas). ecg