Suben a 634 os deportistas galegos de máis alto nivel

RESOLUCIÓN. Carlos Arévalo (piragüismo), Támara Echegoyen (vela) e Sebastián Rodríguez Veloso ‘Chano’ (natación-deporte adaptado) únense a Carlos Pérez Preucho (piragüismo) como deportistas galegos de alto nivel vitalicio. Onte coñecíase que 634 deportistas da nosa comunidade (240 mulleres e 394 homes) son considerados de alto nivel, alto rendemento e rendemento deportivo de base, é decir que forman pare da elite do deporte, segundo os criterios fixados pola secretaría xeral. Entre os deportistas recoñecidos nesta última resolución, destacan Alberto Abalde (balonceso), Agustín Alejos (baloncesto en cadeira de rodas), Iván Ares (automobilismo), Esperanza Barreras (surf) ou Saleta Fernández (atletismo) como deportistas galegos de alto nivel. José Ángel Torres, José Miguel Nogueira e Jesús Benito (taekwondo), Marcial Romero (judo), Javier Fernámdez (balonmán) e José Manuel Ayude (kickboxing) foron como técnicos; e Manuel Franco (tenis), Marta Felpeto (piragüismo) o fixeron como xuíces. r.m.a.