Uns 600 nenos e nenas disfrutarán da Campaña de Esquí da Deputación
A Coruña. A Deputación da Coruña continúa desenvolvendo a súa Campaña de Esquí 2022 e esta fin de semana un centenar de nenos e nenas de Arteixo, Cambre, Carral, A Coruña, Culleredo e Sada visitaron a estación invernal de Valgrande-Pajares (Asturias).
É a cuarta expedición á neve, dentro da campaña provincial, e nela participan mozos e mozas de 11 a 15 anos de idade da comarca da Coruña. “Con esta proposta pretendemos que a rapazada da provincia da Coruña poida iniciarse ou perfeccionar as súas habilidades no esquí con monitores profesionais, ao mesmo tempo que participan noutras iniciativas deportivas e culturais organizadas de xeito complementario”, indicou a deputada de Deportes, Cristina Capelán.
A área de Deportes organiza ata o 21 de febreiro viaxes á estación invernal de Valgrande-Pajares (Asturias) para impulsar a práctica do esquí da que disfrutarán 600 nenas e nenos. ecg