Así é a exposición de 'Habitar o Baleiro' de Brais Lorenzo

O mércores 21 ás 18:00 horas o Museo do Pobo Galego ofrece unha visita guiada á mostra de Habitar o baleiro con dúas persoas do equipo, Brais Lorenzo e Claudia Morán, coordinadora da mostra e dos textos. Na experiencia, Morán explicará o aspecto da recollida de información, proceso no que ela estivo presente, e Lorenzo centrarase máis no proceso creativo ao redor da imaxe, de como se foi realizando o proxecto e como foi evolucionando. Esta explicación dual dos diferentes aspectos do proceso, representa a mestura de disciplinas que se poden apreciar na obra. Esta será a segunda visita guiada que ofreza o equipo, e Lorenzo apunta que foi unha exposición que “ten unha propia evolución”. “Nos queremos que a xente marche da experiencia cun bo sabor de boca” aclara Lorenzo, xa que a historia que contan é unha esperanzadora que transición do frío ao cálido.