Santiago
+15° C
Actualizado
miércoles, 12 mayo 2021
22:59
h

Nomean Xardín de Excelencia Internacional ao Pazo de Santa Cruz de Ribadulla

REDACCIÓN. O Congreso Internacional da Camelia de Goto non puido celebrarse con normalidade debido á actual situación, pero isto non impediu que se levaran a cabo as votacións vía telemática para o nomeamento de seis novos xardíns de excelencia en todo o mundo. Entre os afortunados atópase o Pazo de Santa Cruz de Ribadulla, en Vedra. Xunto a el recoñeceuse tamén o xardín Lisgar Gardens en Australia, Apoliu Camellia Valley en China; Nonoichi Central Park en Xapón, Villa Motta en Italia e Porto Botanical Garden, en Portugal.

Outros catro xardíns galegos xa contan con esta distinción: os do Pazo de Rubianes, Pazo de La Saleta, Pazo de Quinteiro da Cruz y o Castillo de Soutomaior. Todos eles pertenecen á Ruta da Camelia de Galicia. E é que o título de Excelencia Internacional é outorgado por The International Camellia Society (ICS). Esta sociedade naceu na década dos 90 coa finalidade de distinguir e dar a coñecer os principais xardíns de camelias do mundo. Comezou con seis, e agora ten máis de corenta de múltiples nacionalidades, todos eles con diferentes deseños, filosofía e especies botánicas.

01 may 2020 / 13:51
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.