Queiruga: "Por cada euro público que recibe Cogami devolve cerca de catro"

CONGRESO A Confederación Galega de Persoas con Discapacidade reúne en Santiago entre onte e hoxe a expertos en economía social e desenvolvemento sostible no VIII Annual Congress of Global Economic Accounting, inaugurado polo presidente de Cogami, Anxo Queiruga, a secretaria xeral de Emprego, Covadonga Toca e o titular de GEAccouting, José Ignacio Larretxi.

A cita, que organiza Cogami, financia Rede Eusumo e promove GEAccounting naceu despois de que a confederación formase parte dun proxecto coa USC para buscar unha metodoloxía que permitira "traducir a valor económico o aporte social das entidades e visibilizar a nosa capacidade multiplicadora", dixo Quieruga. Un traballo que certificou o dato de que "por cada euro que recibe Cogami da Administración, devolve preto de catro" -en concreto 3,91 €-ó conxunto da sociedade.

Covadonga Toca agradeceu esta iniciativa, que por primeira vez acolle Galicia e pediu ás empresas que "humanicen a economía para xerar unha contorna con emprego sostible". Tamén indicou que é importante que o tecido produtivo aposte pola responsabilidade social (RSE).

92.119EUROS DE RESULTADO

en positivo que alcanzou Cogami en 2018, dato que cualifican de insuficiente, pois o valor do seu traballo supera o económico.314.000KILÓMETROS QUE

percorreu o transporte adaptado de Cogami que leva ós usuarios aos centros de traballo. De alto custo, vese como investimento.