De "foliada" a "xenocidio": Cal será a Palabra do Ano 2025 en Galicia?
A votación pode realizarse ata o domingo 21 de decembro ás 23.59 horas
De "foliada" a "xenocidio": Cal será a Palabra do Ano 2025 en Galicia? / Antonio Hernández
Xa coñecemos as palabras finalistas na elección da Palabra do Ano 2025, iniciativa promovida pola Real Academia Galega (RAG) e a Fundación Barrié. Tras a fase de recollida de suxestións, este mércores abriu a fase da votación popular, que decidirá cal será a Palabra do Ano.
A votación telemática permanecerá aberta ata as 23.59 horas do domingo 21 de decembro. O voto pode realizarse a través do Portal das Palabras, puidendo enviar un voto por equipo nun lapso de 24 horas.
As finalistas
As propostas finalistas apelan a temas que marcaron a actualidade dos últimos meses -como é o caso de "lume", "xenocidio" ou "foliada", en referencia ao pasado Día das Letras Galegas adicado ás cantareiras- ou responden a expresións propias da lingua galega -como "loia"-. Tamén deixou a súa pegada nas candidatas o Ano Castelao. De aí que "retrinco" estea tamén entre as finalistas.
Estas son as seis palabras que se enfrontan para converterse na Palabra do Ano en Galicia:
- Desfeita
- Foliada
- Loia
- Lume
- Retrinco
- Xenocidio
O Portal das Palabras
O Portal das Palabras é un proxecto da RAG e a Fundación Barrié que persegue a divulgación do galego e a modernización do traballo lexicográfico.
Para iso, cada semana ofrece xogos e outros contidos divulgativos que conectan o léxico galego coa actualidade dun xeito ameno.
Dende o ano 2014, este portal convida a todas as persoas a participar na escolla da Palabra do Ano.
Nas edicións anteriores, os vocábulos elixidos como Palabra do Ano foron: cantareiras, cibercarracho, comadre, tanxugueiras, nós, sentidiño, deseucaliptización, afouteza, irmandade, refuxiado e corrupción. E ti, cal crees que debería ser a palabra deste 2025?
- La Navidad en Galicia más allá de las luces de Vigo: del belén artesanal más grande al pueblo gallego más navideño
- Rosalía cuenta en la televisión brasileña cómo se cortó el pelo en A Coruña: 'Cometí un error
- Galicia también estará en el Mundial 2026: así es la canción con sello gallego que sonará en todos los partidos
- De construcción más alta de Europa a reclamo turístico: avanza la protección de la chimenea de As Pontes
- Gallegos en una Venezuela al borde de la guerra: 'Ni Europa ni la oposición acabarán con el chavismo. Solo Trump
- La fábrica invisible que sostiene la medicina nuclear gallega
- Suspendidas más de 250 cirugías, 625 pruebas y 6.900 consultas hospitalarias: Sanidade alerta de 13.200 procesos parados por la huelga
- ¿Por qué cada vez hay más jabalíes en Galicia?
