AGalega.gal estrea un documental sobre Camilo José Cela e Rafael Alberti
Afonda na relación entre ambos escritores a través da súa correspondencia
Intervención do poeta Benjamín Prado en 'Á destra e á sinistra' / CSAG
AGalega.gal, plataforma de streaming da Corporación de Servizos Audiovisuais de Galicia (CSAG) —antiga CRTVG—, estrea este mércores Á destra e á sinistra, documental galego que afonda na relación entre o recoñecido escritor padronés Camilo José Cela, gañador do Premio Nobel de Literatura en 1989, e o poeta andaluz Rafael Alberti a través da súa correspondencia. Un proxecto que, mediante o diálogo epistolar de dous xenios das letras con ideoloxías completamente diferentes, ofrece unha reflexión sobre o contexto literario e social da época ao mesmo tempo que rende homenaxe á literatura como espazo de encontro máis alá das diferenzas.
Esta non será a única estrea de AGalega.gal desta semana. Este xoves chegará á plataforma Conspiración, thriller protagonizado por Jerry Fletcher que achega a figura dun taxista neoiorquino obsesionado coas teorías conspirativas. Xa o venres será a quenda de Efémeras, produción da BBC de dous capítulos que relata a historia real do novelista Andrew O’Hagan, que escribiu o libro homónimo (Mayflies) despois de que o seu amigo da infancia morrera aos 51 anos.
Por último, este sábado estrearase o filme Pais e nais, unha comedia dramática danesa protagonizada por Ulrik e Piv, unha parella que intenta integrarse no grupo de familias da nova escola da súa filla.
- Galicia triunfa en Netflix: una serie rodada en la comunidad es la más vista del último año... y no es 'Animal'
- La borrasca Marta llega a Galicia para golpearla con más nieve, viento y un mar embravecido
- Nieve, tormentas y lluvias torrenciales: la borrasca Marta ya se acerca a Galicia mientras continúa el azote de Leonardo
- Galicia comienza la semana con lluvias: ¿Cómo evolucionará el tiempo en los próximos días?
- Rescatados después de tres horas los pasajeros de un AVE Santiago–Madrid averiado en medio de un monte cerca de Ourense
- Cada hora se compran tres viviendas en Galicia y una de ellas se paga a tocateja
- Vendedores ambulantes bajo el temporal: 'Es injusto pagar el puesto sin poder trabajar
- Camioneros gallegos atrapados por 'Ingrid' piden flexibilidad para no perder el certificado CAP: 'No es de recibo repetir todo el curso
