El Correo Gallego

Noticia 1 de 1 Galicia | galicia@elcorreogallego.es  |   RSS - Galicia RSS

XORNADAS

Aposta da Xunta por un medio rural forte e vital que dé cohesión a Galicia

O conselleiro de Medio Rural, José González, onte na súa intervención
O conselleiro de Medio Rural, José González, onte na súa intervención

ECG   | 06.11.2019 
A- A+

O titular de Medio Rural, José González, avogou onte por un agro que se converta no motor económico de Galicia, en clave de progreso, futuro e emprendemento. Fíxoo en Santiago no marco do Congreso Internacional sobre desenvolvemento rural e turismo, no que participa a Organización das Nacións Unidas para a Alimentación e a Agricultura.

"Un rural forte é vital para dar cohesión a Galicia" e por iso "a Xunta quere seguir apostando polo noso agro". Iso se materializa en apoios aos modelos de negocio no rural, ás explotacións e ao fomento da súa asociación ou aos mozos, para que se incorporen e contribúan ao rexuvenecemento dos sectores produtivos, "un piar fundamental para evitar o abandono", sinalou.

Neste contexto, o titular de Medio Rural insistiu nos tres eixos que vertebran a acción do Goberno galego a prol do agro: a prevención desa "Galicia verde que a todos nos fascina"; a recuperación forestal co reforzo á liña de tratamentos silvícolas e da sanidade, e a calidade na excelencia da produción agroalimentaria vinculada coa alimentación atlántica desa despensa galega de primeiro nivel.