El Correo Gallego

Noticia 1 de 1 Galicia | galicia@elcorreogallego.es  |   RSS - Galicia RSS

Voluntariado que fomenta nos maiores o envellecemento activo

O programa Acompaño aposta por establecer unha canle de colaboración interxeracional // O obxectivo é mellorar a calidade de vida dos maiores da comunidade que viven sos

Un grupo de señoras maiores, acompañadas dunha máis nova, paseando pola zona do porto de Ferrol - FOTO: Kiko Delgado
Un grupo de señoras maiores, acompañadas dunha máis nova, paseando pola zona do porto de Ferrol - FOTO: Kiko Delgado

REDACCIÓN. SANTIAGO   | 04.03.2018 
A- A+

O programa Acompaño, posto en marcha a comezos de verán do 2017 pola Consellería de Política Social, é unha novidosa idea de voluntariado social para a atención e o acompañamento de persoas maiores de 65 anos que viven soas nos seus fogares.

Nun territorio como o galego no que arredor do 25 % da súa poboación ten máis de 65 anos, iniciativas coma esta parecen imprescindibles. O envellecemento activo e saudable, acompañado de estratexias para afrontar o cambio demográfico aportan un plus, sobre todo se, como é o caso, están centradas no potencial do colectivo de maiores de Galicia.

A iniciativa vai dirixido a impulsar e propiciar a participación de persoas voluntarias que queiran implicarse en axudar a que os maiores teñan unha vellez activa e saudable. Trátase de contribuír a mellorar a saúde e calidade de vida dos maiores, favorecer o seu protagonismo en actividades sociais, fomentar a relación interxeracional e mitigar os sentimentos de soidade ou illamento que poidan sentir prestándolles acompañamento e apoio emocional.

Ata o momento, o programa conta con 8 entidades colaboradoras que dispoñen á vez de 72 voluntarios anotados para facer acompañamento a un total de 42 maiores da comunidade. 

Más información en El Correo Gallego (edición papel) y en Orbyt