Galicia suma outros 26 casos positivos e supera xa os 400

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 406, 26 máis que onte. Deles, 161 son da área da Coruña, 11 máis, 74 da de Lugo, 3 máis, 29 da de Ourense, un máis, 35 da de Pontevedra, 6 máis, 74 da área de Vigo, 28 da de Santiago, e 5 da de Ferrol. Nestas tres últimas áreas non se detectou ningún positivo nas últimas 24 horas.

Do total de pacientes positivos, 2 están en UCI, 18 en unidades de hospitalización e 386 no domicilio. Polo de agora, en Galicia hai un total de 11.331 persoas curadas, rexistrándose 619 falecementos.

O número de PCR realizadas é de 257.156.