Acto de protesta en Santiago polos 'recortes' na materia de Filosofía no ensino secundario
A Sociedade Galega de Filosofía, a Aula Castelao e o Grupo Doxa emiten un comunicado conxunto no que critican o texto da Lei Orgánica para a Mellora da Calidade Educativa (LOMCE)
Medio centenar de persoas concentráronse na Praza do Toural de Santiago para protestar polos recortes en Filosofía no ensino secundario.
A Sociedade Galega de Filosofía, a Aula Castelao e o Grupo Doxa emitiron un comunicado conxunto de apoio ao acto que se celebrou hoxe en Santiago para protestar polas medidas previstas na Lei Orgánica para a Mellora da Calidade Educativa (LOMCE) no que atinxe á Filosofía no ensino secundario.
A protesta tivo lugar entre as 11:00 a 13:00 horas na praza do Toural, e consistiu na lectura de textos de filosofía por grupos conducentes a diálogo e debate abertos, relacionados con algunha noticia e/ou cuestión de actualidade. Repartiranse follas co lema "quen teme á filsofía?" e cun texto que pode ser o resumo do comunicado do 15 de febreiro.
De seguido reprodúcese o comunicado:
"Estimados compañeiros:
A Sociedade Galega de Filosofía (SOGAFI), a Aula Castelao e o Grupo Doxa desexan comunicar que
No terceiro borrador do Anteproxecto da LOMCE publicado o pasado 14 febreiro de 2013:
Desaparece a materia actualmente denominada Educación Ético-Cívica, que ata agora ben sendo cursada por todo el alumnado no 4º curso da Educación Secundaria Obligatoria (ESO), e no seu recupérase unha materia alternativa a Relixión denominada Valores Éticos
No 4º curso da ESO figura, nun listado de dez materias específicas , entre as que o alumnado deberá escoller entre unha e tres, a Filosofía. A súa oferta dependerá das CCAA e dos centros docentes.
No 1º curso do Bacharalato, mantense a Filosofía como a única materia filosófica que o Anteproxecto da LOMCE contempla entre as obrigatorias.
A Historia da Filosofía, cursada actualmente no 2º de Bachillerato polo alumnado de todas as modalidades, pasa a ser unha optativa máis entre dezaseis, das que o alumnado deberá cursar entre dúas e tres. A súa oferta dependerá, como no caso da Filosofía do 4º curso da ESO, das CCAA e de cada centro docente)
O único cambio que se aprecia con respecto ao anterior borrador do Anteproyecto da LOMCE, e a súa inclusión entre as optativas de modalidade (Troncais opcionais) nos Bacharalatos de Humanidades e Ciencias Sociales, entre outras cinco materias das que o alumnado deberá cursar alomenos dúas. Como nos casos anteriores, a súa oferta dependerá de cada Comunidade Autónoma e de cada Centro.
Como se explica no escrito enviado pola Rede Española de Filosofía (REF) ao Consello Escolar de Estado A supresión da obrigatoriedade de ambas materias (A Ética do 4º curso da ESO e a Historia da Filosofía do 2º curso do Bacharalato) carece de xustificación pedagóxica, non supón unha mellora senón unha merma da calidade do noso sistema educativo, e contradí claramente o que o propio Anteproxecto da LOMCE proclama dende o primeiro párrafo do seu preámbulo: A aprendizaxe na escola debe ir dirixido a formar persoas autónomas, críticas, con pensamento propio. Pois ben, ese é precisamente o tipo de aprendizaxe do que se ocupan, de forma específica e metódica, as dúas materias obrigatorias que a propia LOMCE suprime.
Pola súa parte, a Conferencia Española de Decanatos de Filosofía, no comunicado de 14 de diciembre de 2012, considera que a supresión por parte da LOMCE de dúas das tres materias filosóficas actualmente existentes na educación secundaria, é unha medida inxustificada pedagóxicamente, e que ademáis pode asestar un duro golpe ao exercicio da profesión filosófica en España
Ante esta grave situación, a Sociedade Galega de Filosofía (SOGAFI), a Aula Castelao e o Grupo Doxa secundan como veñen facendo ata o de agora- as accións propostas pola REF na defensa da Filosofía. Por esta razón convócanvos a apoiar o acto organizado con esta finalidade pola Facultade de Filosofía da USC, para o próximo sábado 16 de marzo, en Santiago de Compostela: LECTURA PÚBLICA DE TEXTOS FILOSÓFICOS, convocado simultáneamente en todo o Estado."