Adxudicadas as obras de renovación de beirarrúas na AC-550 en Ribeira
A Consellería de Infraestruturas e Mobilidade vén de adxudicar por case 250.000 euros as obras de renovación de beirarrúas e pluviais na estrada autonómica AC-550 ao seu paso polo Concello de Ribeira, entre Padín e Deán Pequeno.
Os traballos, adxudicados á empresa Construcciones Taboada y Ramos, S.L., teñen un prazo de execución de tres meses. O departamento de Infraestruturas programa o inicio dos mesmos, que atendendo ás condicións climatolóxicas poderán iniciarse a finais de ano ou principios do 2020.
Por outra banda, O Concello de Ribeira informou de que saíu a contratación unha actuación consistente na reposición do pavimento asfáltico na estrada da Perdigoteira, na parroquia de Artes. A obra ten un orzamento de licitación de 76.544 . As empresas interesadas poden presentar as súas ofertas a través da Plataforma de Contratos de Galicia ata o día 28.