Santiago
+15° C
Actualizado
jueves, 04 junio 2020
20:48
h

OS ALUMNOS DO OBRADOIRO DE EMPREGO ULLA-UMIA IV RECIBEN FORMACIÓN EN PREVENCIÓN DE RISCOS LABORAIS

O módulo inclúe contidos sobre riscos no traballo, medidas preventivas e primeiros auxilios // Os aprendices tamén realizarán prácticas con arneses de seguridade

O alumnado do Obradoiro de Emprego Ulla-Umia IV, no que participan vinte persoas desempregadas dos concellos de Valga e Moraña nas especialidades de albanelería e forestal, están recibindo formación en prevención de riscos laborais.

O módulo de 60 horas de duración inclúe contidos relacionados cos conceptos básicos sobre seguridade e saúde no traballo, os riscos no entorno laboral, medidas preventivas e primeiros auxilios. Ademais, impartirase outra formación específica para os aprendices da especialidade de albanelería, que terá seis horas de duración.

No transcurso deste módulo realizaranse prácticas con arneses de seguridade e liñas de vida, de primeiros auxilios e de reanimación cardiopulmonar.

Esta formación trata de concienciar ao alumnado sobre a importancia da seguridade e a saúde no traballo, axudándoos a identificar e analizar os riscos xerais e específicos da súa actividade. A directora do Obradoiro, Mª Carmen Vidal, destaca que se trata “dunha formación moi importante xa que, desde o comezo do proxecto, estamos a velar especialmente pola seguridade e a prevención de riscos laborais”.

Na mesma liña de cumprimento das obrigas de vixilancia da saúde, o persoal do Obradoiro de Emprego está realizando nestes días os recoñecementos médicos.

21 dic 2019 / 08:56
Noticia marcada para leer más tarde en Tu Correo Gallego
Tema marcado como favorito