As zarzuelas máis coñecidas soaron no auditorio nas voces do Coro do Liceo de Vilagarcía

O Coro Liceo de Vilagarcía actuou o pasado sábado Auditorio Municipal, ao que levou o seu espectáculo “Noite de Zarzuela”, unha compilación dos fragmentos máis coñecidos e recoñecidos deste xénero musical escénico.

A agrupación coral estivo liderada por catro solistas, o tenor José Luis Prado, as sopranos Tamara Casas e Loli Crespo e o barítono Julio Cores, e contou co acompañamento musical da Banda de Cámara “Arousa”, con arranxos e dirección de Santiago Fontes.

Diego Rubianes e Santiago Valcárcel foron os presentadores e actores dun espectáculo que destacou pola súa coidada e vistosa escenografía.