Augas de Galicia limpa en Boiro o río Coroño e 3 regos

Augas de Galicia está a executar estes días actuacións de limpeza e conservación nos regos Pontellón, Lampán e Pasariño e no río Coroño, ao seu paso polo Concello de Boiro. Os traballos, que coinciden cos tramos que percorren os lugares de Lampón e Boiro, céntranse na retirada de árbores, pólas caídas e madeira morta na canle, así como na roza selectiva.