Baía Edicións presenta Obras breves de imaxinación: Premios de Relatos Mulleres Progresistas 2007-2011
Baía Edicións presenta o libro Obras breves de imaxinación: Premios de Relatos Mulleres Progresistas 2007-2011, convocado por vez primeira no ano 2006, vindo substituír o xa veterano de Novela, cun obxectivo moi claro: animar e fomentar a escrita de narrativa en galego por mulleres, e nada mellor para isto que facer esa convocatoria desde o formato do relato, verdadeiro banco de probas de todo tipo de argumentos e voces e de maior poder de convocatoria para todas aquelas que algunha vez pensaron en contar algunha historia en negro sobre branco.
O acto terá lugar o xoves 23 de febreiro ás 19:00 h. na Biblioteca Pública Central (Joaquín Yánez 6, 2º andar Vigo 36202), onde intervirán: Chus Lago, concelleira de Igualdade do Concello de Vigo e prologuista do libro, Conchi Regueiro, representación da asociación Mulleres Progresistas e Belén López Vázquez, directora editorial de Baía Edicións. As autoras, verdadeiras protagonistas do recompilatorio, terán unha breve intervención para falar do seu relato ou ler un parágrafo deste.