O capitalismo fósil
ENDESA mercou as portadas da case totalidade dos medios de comunicación do Reino de España para anunciar as súas "solucións para un cambio climático". A enerxética é unha das empresas que máis contamina en Europa. Outra que tal baila, Iberdrola, copa a fronteira do local de Madrid onde se celebra o cumio mundial. Xunto a ela aparecen outras grandes empresas e bancos, que pagan o evento, responsábeis do deterioro medioambiental, que o capitalismo converteu agora nun slogan, pero é unha realidade cada vez máis amarga e ameazadora.
Sabíano as multinacionais e sabíano os gobernos desde hai 30 anos, pero, primeiro, decidiron ignorar os informes e, logo, negalos, mentres as emisións de combustíbeis fósiles seguían a aumentar neste tempo nun 60 %.
O cumio medioambiental de Madrid converteuse nunha grande campaña publicitaria onde se dan cita as multinacionais e certos políticos que pretenden mellorar a súa imaxe corporativa. Desde a celebrada no 1992 en Río, non se conseguiu nada semellante a un avance, a non ser culpabilizar aos cidadáns e impedir que se dean pasos cara a socialización política.
A loita contra o cambio climático para ser eficiente ten que ser unha loita polí- tica, unha loita contra o sistema capitalista. Non se po- de salvar este planeta cun sistema baseado na sobre- explotación dos recursos e das persoas, na obsolecencia programada e no ladroízo dos países ricos dos recur- sos dos países pobres. E os do G-20 sábeno.
Poro o que queren é aproveitar o denominado "negocio climático" como novo nicho de mercado, por iso están presentes na cimeira, por iso están a preparar os cambios necesarios pero a conta dos traballadores e dos países pobres: tratan de perpetuar o sistema e de non perder a hexemonía.
O capitalismo está baseado nos combustíbeis fósiles.
Xornalista