Carballo crea un videoclip para celebrar aniversarios en galego
Parabéns para ti está xa dispoñible en YouTube para que todo o mundo poida facer uso do mesmo // Os protagonistas son xente do municipio// Levarase ás escolas
Parabéns para ti // nesta data querida // Moitas felicidades // Moitos anos de vida // Hoxe é día de festa // cantan as nosas almas // para ti miña vida // unha salva de palmas. Esta é a letra dunha canción e un videoclip que vén de presentar o Concello de Carballo para que nenos e nenas, e tamén maiores, celebren e feliciten os aniversarios en galego. O vídeo, que ten como título Parabéns para ti, xa foi publicado en Youtube para que poida ter acceso a el todo o mundo, e que poida utilizarse para aprender a canción.
Asemade, o videoclip pódese utilizar para felicitar os aniversarios a través das redes sociais, e tamén en centros de ensino, ludotecas, festas... De feito, o Concello de Carballo distribuirá o videoclip nas escolas infantís, os colexios e institutos, e nas ludotecas municipiais.
Más información en El Correo Gallego (edición papel) y en Orbyt