O Consorcio inviste 3,6 millóns no patrimonio
O Consorcio de Santiago aprobou onte as bases reguladoras para a concesión de subvencións directas de intervencións de rehabilitación e restauración de inmobles de valor histórico e patrimonial en Santiago para este ano, por un importe global de 3.659.704,44 euros. Destaca a adecuación da ala sur do conxunto de San Domingos de Bonaval para uso museístico, por valor de 3.098.781,31 . Ademais, instalarase un ascensor no edificio situado na praza de Salvador Parga, sede do Conservatorio Histórico, do Ateneo de Santiago e da Real Sociedade Económica de Amigos do País, por un importe de 97.208,83 .
Por outro lado, realizaranse obras de mantemento en San Martiño Pinario, nas igrexas de Agualada de Marantes, San Fructuoso, San Caetano e Santas Mariñas e no cemiterio da Orde Terceira Franciscana.