Santiago
+15° C
Actualizado
martes, 26 mayo 2020
21:16
h

Convocado o Reimóndez Portela de xornalismo

    A Fundación de Exposicións e Congresos de A Estrada vén de publicar as bases da XXIV edición do Premio Xornalístico Manuel Reimóndez Portela. Ó acto asistiron os membros integrantes do comité de seguimento, Juan Andrés Fernández Castro e José Manuel Bouzas Blanco.

    As bases mantéñense inalterables e o galardón outorgarase ao mellor traballo ou serie de traballos (ata un máximo de 5) publicados en lingua galega, en calquera medio de comunicación. A dotación económica será de 1.000 euros. O prazo de recepción rematará o día seis de setembro, aínda que deberán estar publicados antes do vindeiro trinta de agosto.

    Os autores ou os lectores poderán enviar un exemplar dos artigos nos que conste a data de publicación, o autor e o medio no que apareceu.

    12 jun 2019 / 00:00
    Noticia marcada para leer más tarde en Tu Correo Gallego
    Tema marcado como favorito