Día da Auga, da Árbore e da Poesía na Insua dos Poetas en homenaxe a Xosé María Díaz Castro
A Fundación 'Insua dos Poetas', presidida por Luis González Tosar, celebra o 24 de marzo o Día Mundial da Auga, da Árbore e da Poesía en homenaxe a Xosé María Díaz Castro, protagonista do Día das Letras Galegas 2014. O acto incluirá a presentación de Nimbos de Xosé María Díaz Castro (Ed. Galaxia) e terá lugar na proia Insua dos Poetas, no Carballiño (Ourense), ás 11,30 horas. Participarán escolares dos Centros de Ensino do Carballiño e estarán presentes o conselleiro de Cultura, o presidente da RAG e o da Deputación ourensá, ademais do alcalde da localidade ourensá.
O programa ofrece as seguintes intervencións:
- Armando Requeixo (autor de Xosé María Díaz Castro. Vida e obra).
- Luís González Tosar (responsable da edición de Nimbos).
- Xesús Alonso Montero (Presidente da RAG).
- Alumnas e alumnos dos Centros de Ensino.
- Argimiro Marnotes (Alcade do Carballiño)
- Tomás Fernández Couto (Secretario Xeral de Montes-Consellería de
Medio Rural e Mar).
- Xesús Vázquez Abad (Conselleiro de Cultura, Educación e Ordenación
Universitaria).
- Manuel Baltar (Presidente da Deputación de Ourense)
- Ofrenda floral no monumento Nimbos de luz do escultor Xosé Cid.
- Entrega de libros.
-Plantación de árbores a cargo dos alumnos, profesores, escritores,
xornalistas e autoridades.
O acto está organizado pola Fundación Insua dos Poetas e o Centro PEN Galicia, e patrocinado pola Deputación de Ourense e a Consellería de Cultura, Educación e Ordenación Universitaria.