A ESCOLA INFANTIL MUNICIPAL CONMEMORA O DÍA DA PAZ CUN MURAL
O persoal e o alumnado do centro confeccionaron unha pancarta co lema Xuntos formamos a paz
Os centros educativos de Valga celebraron esta mañá diversas actividades con motivo do Día da Paz e da non violencia, que se conmemora cada 30 de xaneiro coincidindo co aniversario do falecemento de Mahatma Gandhi.
Un exemplo foi a Escola Infantil Municipal, na que o alumnado e o persoal docente elaboraron un mural conmemorativo co lema Xuntos formamos a paz. Todos os nenos aportaron o seu grao de area na confección da pancarta, que incluía no centro o debuxo dunha pomba, símbolo da paz.
Arredor dela, os alumnos foron colocando as pegadas das súas mans e os mestres acompañáronos con varias frases sobre a paz. Non chega con falar de paz. Un debe crer nela e traballar para conseguila ou A paz está nas nosas mans, eran algunhas das consignas que podían lerse.