Estrea banco con vistas o miradoiro noiés de San Lois
NOIA O Concello de Noia vén de sumarse á moda de dispoñer bancos singulares nun dos mellores miradoiros da comarca: o do monte San Lois, emprazado a 363 metros de altura.
"Trátase dunha zona privilexiada e cunhas vistas espectaculares, pois nun día despexado pódense ver toda a ría de Muros-Noia, Porto do Son e Queiruga a un lado, o Monte Louro de fronte... Unha panorámica moi fermosa que estou convencida que van desfrutar tanto veciños e veciñas como a xente que se achegue ou veña facendo sendeirismo", dixo a edil de Medio Ambiente, Ángela Neri.
A colocación tivo lugar o pasado venres, despois de que se achandara e limpara o terreo onde xa está dispoñible. A concelleira fixo un chamamento "ao civismo e a conservar en condicións o mobiliario público".