Expertos reflexionan sobre o Castro de Baroña
O xacemento sonense obxecto dun encontro monográfico no Consello da Cultura
Porto do Son. O Consello da Cultura Galega acolleu onte a xornada Alén dun castro: Arqueoloxía, restauración e divulgación no xacemento de Baroña. Trátase do décimo dos encontros monográficos co patrimonio cultural organizados pola Sección de Patrimonio e Bens Culturais, coordinada por Rebeca Blanco Rotea, e nel participaron os arqueólogos Luis F. López González, Ángel Concheiro Coello e Yolanda Álvarez González, responsables das últimas intervencións no xacemento arqueolóxico de Baroña.
Nos últimos anos desenvolvéronse varias campañas de reescavación no Castro de Baroña, escavación de zonas novas, restauración e posta en valor, así como un importante esforzo pola súa divulgación en tempo real.
Más información en El Correo Gallego (edición papel) y en Orbyt