Santiago
+15° C
Actualizado
lunes, 06 julio 2020
01:10
h

Exposición en Química sobre a táboa periódica

    Santiago. No marco do Ano Internacional da Táboa Periódica, a Facultade de Química da Universidade de Santiago de Compostela, en colaboración co Grupo Interdisciplinar de Innovación Docente en Química e o Grupo de Innovación Docente en Química Física, está a desenvolver o concurso A táboa periódica e Galicia.

    O concurso, para alumnado de 3º e 4º da ESO, Ciclos Formativos e BAC, rematou a fase de envío de pósteres o 12 de abril, recibindo 84 carteis.

    Os participantes pódense ver en http://www.usc.es/gl/centros/quimica/curso/Tperiodica1.html.

    O broche final terá lugar hoxe, nun acto académico en Química, que comezará ás 9 da mañá co rexistro dos 30 seleccionados para a exposición. Aberta ao público, terá lugar na planta baixa da facultade.

    Ás 12.30 horas entregaranse os premios na Aula Magna Antonio Casares, e o acto rematará cun pequeno convite organizado dende o Decanato.

    24 may 2019 / 00:00
    Noticia marcada para leer más tarde en Tu Correo Gallego
    Tema marcado como favorito