Fran P. Lorenzo gaña o Blanco Amor coa novela 'Cabalos e lobos'
O xornalista de El Correo Gallego concédelle o protagonismo a Vigo, a súa cidade natal, e narra a historia da familia Beckmann
O xurado do XXXIII Premio Blanco Amor de novela decidíu por unanimidade otorgar o galardón ó xornalista Fran P. Lorenzo pola súa obra 'Cabalos e Lobos'.
Xosé Luís Franco Grande, Camiño Noia Campos, Olivia Rodríguez González e Xosé Antonio Palacio Sánchez reuníronse na casa da Cultura de Redondela este martes e o premio será entregado nun acto público que terá lugar en Redondela o vindeiro 22 de novembro.
A novela 'Cabalos e lobos' é a primeira novela de Fran P. Lorenzo, xornalista de Cultura de El Correo Gallego, ainda que o seu traballo xa é ben coñecido na prensa e a través do seu blogue 'Un país en lata'.
Na novela gañadora do XXXIII Blanco Amor, o escritor concédelle o total protagonismo a Vigo, a súa cidade natal, e narra a historia da familia Beckmann engarzada á de Alemania e á de Europa en xeral durante o século XX. 'Cabalos e lobos' arrinca nunha noite de 1960 na que comezan a desvelarse verdades, mentiras e segredos agochados trala realidade.