Galaxia edita as Xeórxicas do pan de Otero Pedrayo
É unha presada de máis de dous mil versos que contribúe a resituar a figura do autor no contexto poético do século XX
Do vasto legado de manuscritos e anotacións persoais que Otero Pedrayo legou, á súa morte, á Fundación Penzol un equipo de investigadores da Universidade de Vigo dirixido por Manuel Forcadela e integrado por Ana Belén Crespo e Silvia Penas, que traballaron na dixitalización e transcrición de máis de 5.000 páxinas dun total de 49 axendas e cadernos acaba de extraer o tesouro rigorosamente inédito das Xeórxicas do Pan. O libro, editado por Galaxia en colaboración coa fundación viguesa e o Consello Social da UVigo, é unha presada de máis de dous mil versos que contribúe a resituar a figura do autor no contexto poético do século XX, opacada en demasiadas ocasións polo peso e importancia da súa obra narrativa e ensaística.
Más información en El Correo Gallego (edición papel) y en Orbyt