Santiago
+15° C
Actualizado
sábado, 11 julio 2020
18:42
h

Heredeiros da Crus saca disco tras 6 anos e actuará en Londres e Suiza

Volve a banda de Ribeira con 'Derretidos', que se presenta o venres en Arrecife

Despois de case seis anos de silencio discográfico, o grupo ribeirense Heredeiros da Crus volve cun novo traballo e inicia unha xira que o levará fóra de España.

Baixo a produción de I­ago Lorenzo, a banda lanza Derretidos, formado por doce temas nos que, sen renunciar o seu espíritu propio, define un son máis contundente e atemporal.

As reminiscencias dos 70 deste disco prometen novos himnos para os siareiros máis acérrimos e supoñen unha firme aposta polo achegamento ao rock máis internacional.

A formación presentará o seu álbum no Arrecife en Vivo (Arrecife) o vindeiro venres día 11, para logo adentrarse nunha intensa tourné por Londres (2 de novembro), Barcelona (9), Madrid (23), Santiago (30) e Ginebra (7).

O grupo está integrado por Francisco Javier Vázquez Maneiro, Antonio Novo Suárez, Antón Axeitos Ares (Tonhito de Poi), Francisco Javier Velo Cambeiro e Manu Rey

La banda formouse en 1992 e ensaiaba nun galiñeiro de Castiñeiras. Ese mesmo ano ofreceu o seu primeiro concerto na mítica Festa da Dorna e no ano 1994 publicou A Cuadrilla de Pepa a Loba.

08 oct 2019 / 00:00
Noticia marcada para leer más tarde en Tu Correo Gallego
Tema marcado como favorito