Licitada a rede de saneamento da rúa dos Bolos

RIBEIRA Doce empresas optan a construír unha rede de saneamento con pozo de bombeo na rúa dos Bolos e na vía transversal, na parroquia ribeirense de Aguiño. O importe da actuación é de 45.789 euros. Conduciranse as augas residuais por gravidade ata o punto máis baixo do trazado, onde se instalarán dúas bombas mergulladas fixas de caudal unitario de 3,50 m3 por hora.