Santiago
+15° C
Actualizado
martes, 11 agosto 2020
09:03
h

Noia asinou un convenio coa Xunta para mellorara estación depuradora

Investirán 150.000 euros e optimizarase o funcionamento nun prazo breve de tempo

    Noia. A conselleira de Infraestruturas e Mobilidade, Ethel Vázquez, e o alcalde de Noia, Santiago Freire, veñen de asinar un convenio de colaboración para investir preto de 150.000 euros para a mellora da estación depuradora de augas residuais do municipio.

    Este acordo permitirá a optimización do funcionamento efectivo da EDAR no prazo máis breve posible, e vén motivado polos problemas que sufriu a consecuencia das condicións climatolóxicas, causando desprendementos na cuberta e avarías nos cadros eléctricos. Ademais, mellorarase o funcionamento dos bombeos de entrada e nos seus equipos de depuración, nos que tamén se intervirá.

    O Concello noiés declarou recentemente a situación de excepcionalidade e emerxencia, pola concorrencia dunha situación de grave perigo para o ecosistema da ría de Muros e Noia, e solicitou á Xunta o apoio e colaboración.

    Agora, a consellería comprométese a financiar as obras, e a administración local asume a obriga de levar a cabo as actuacións necesarias para a execución das mesmas.

    19 may 2019 / 00:00
    Noticia marcada para leer más tarde en Tu Correo Gallego
    Tema marcado como favorito