'Ons', a novela de aventuras estivais que se volveu adulta
O xornalista e escritor Carlos Meixide ponlle peso e ironía a un híbrido de xéneros co que regresa á escrita de longo alento
Pódese dicir que Ons, a última novela de Carlos Meixide, xornalista, escritor e humorista senlleiro, nace, ao tempo, dun reto e dun desexo. O reto -lémbrao o autor- "o que me lanzou un alumno do instituto Xohán Carballeira de Bueu, de escribir unha novela ambientada na illa de Ons". O desexo, o propio, de "experimentar cunha novela de xénero, porque sempre me fascinaron as aventuras vacacionais, do estilo dos Cinco ou Verano Azul".
En Ons catro rapaces comezan as súas vacacións na illa que pecha o horizonte da ría de Pontevedra. "Mais o primeiro día -reza a sinopse da contracapa- un arrepiante descubrimento na praia converterá o seu verán nunha aventura trepidante e inesquecíbel...".
Más información en El Correo Gallego (edición papel) y en Orbyt