Santiago
+15° C
Actualizado
miércoles, 27 octubre 2021
11:46
h

Parálise muscular sen que se vexan afectados os sentidos nin o intelecto

    A ELA é unha enfermidade dexenerativa de tipo neuromuscular pola cal as motoneuronas –neuronas que interveñen no movemento voluntario dos músculos– diminúen gradualmente o seu funcionamento e morren, provocando unha parálise muscular progresiva que causa a inmobilidade total e mesmo a imposibilidade de respirar. A enfermidade non afecta os sentidos nin ó intelecto. Non existe tratamento curativo, só se poden tratar os síntomas para mellorar a calidade de vida. O único farmaco aprobado é o riluzole, que atrasa a evolución do mal.

    A Esclerose lateral amiotrófica é a terceira enfermidade neurodexenerativa máis frecuente, logo da enfermidade de Alzheimer e da enfermidade de Párkinson. Aínda que se inclúe dentro das denominadas enfermidades raras é unha enfermidade que os neurólogos diagnostican con certa frecuencia xa que ten unha incidencia entre 1 e 2 casos novos por cada 100.000 habitantes e ano, e unha prevaleza de 4 casos por cada 100.000 habitantes.

     

    55 novos casos ó ano

    Aínda que non existen estudos epidemiolóxicos específicos, calcúlase que en Galicia se diagnostican cada ano uns 55 novos casos. En España, calcúlase que hai uns 4.000 pacientes con ELA e que se diagnostican entre dous e tres novos casos cada día. Nos últimos anos describiuse un aumento do número de pacientes con esclerose lateral amiotrófica, debido probablemente a unha mellora no diagnóstico e ao incremento da esperanza de vida da poboación xeral.

    A idade media de inicio é aos 60 anos (entre 40 e 70), aínda que un 10% comeza antes dos 40 e un 5% antes dos 30. É un pouco máis frecuente en homes e a gran maioría de casos son esporádicos. As formas familiares son raras e representan só un 5%.

     

    O CHUS, referencia

    O Clínico de Santiago é, desde hai xa unha década, centro de referencia para a segunda opinión diagnóstica. A Unidade de enfermidades neuromusculares atende cun enfoque multidisciplinar, contando entre outros, coa colaboración de especialistas en respiratorio, dixestivo, nutrición, logoterapia, atención domiciliaria, primaria e psicoloxía.

    21 jun 2011 / 02:27
    • Ver comentarios
    Noticia marcada para leer más tarde en Tu Correo Gallego
    Tema marcado como favorito