Santiago
+15° C
Actualizado
domingo, 09 agosto 2020
02:31
h

O pleno aproba por unanimidade a personación do concello na causa xudicial polos asasinatos de Sandra e Alba Boquete e María Elena Jamardo

A asesoría xurídica solicitará no Xulgado poder tomar parte no proceso como acusación pública exercendo a acción popular // O obxectivo é defender os intereses xerais da veciñanza e, en concreto, da familia das vítimas

    A Corporación municipal aprobou por unanimidade a personación do Concello de Valga no proceso xudicial aberto tralos asasinatos das veciñas Sandra e Alba Boquete Jamardo e María Elena Jamardo Figueroa, acontecidos o pasado 16 de setembro.

    O acordo adoptouse no Pleno ordinario celebrado onte pola tarde a proposta do equipo de goberno. O obxectivo é poder defender os intereses xerais da veciñanza de Valga e, en particular, da familia das tres mulleres asasinadas.

    Os servizos xurídicos do Concello solicitarán agora ante o Xulgado de Primeira Instancia de Caldas de Reis, encargado da instrución do caso, poder tomar parte no proceso en calidade de acusación pública exercendo a acción popular.

    Festivos locais para o ano 2020

    Na mesma sesión foron aprobados, tamén por unanimidade, os festivos locais para o vindeiro ano 2020. Serán o luns 3 de febreiro, festividade de San Brais, e o venres 28 de agosto, coincidindo coa celebración dos Milagres.

    08 oct 2019 / 00:28
    Noticia marcada para leer más tarde en Tu Correo Gallego
    Tema marcado como favorito