{ relatos }
A presenza da Galicia lendaria
Guía ilustrada da Galicia invisible,
Antonio Reigosa,
Ilustracións de Noemí López, Xerais, Col. Infantil e Xuvenil, 2010, 104 páxs. 26
O ESCRITOR
Antonio Reigosa, coa axuda inestimable da ilustradora Noemí López, móstranos como aproximarnos ao misterio que se cerne ao redor deses espazos máxicos que nos rodean e que forman parte da nosa esencia cultural galega sen apenas decatarnos. Como o propio subtítulo do libro indica, falamos de cidades e vilas desaparecidas, de "illas misteriosas", de "covas impenetrables", de "personaxes etéreos", "montes aparentes", "pozos insondables", etc., que habitan a nosa memoria colectiva. Unha experiencia vital que non por estar cargada de lenda e mitoloxía é menos auténtica. Esta Guía ilustrada da Galicia invisible convídanos a penetrar nun mundo no que a realidade e a ficción, "o tanxible e o intanxible", se confunden até apenas distinguirse. A nosa mirada queda curta e non é capaz de alcanzar esoutro altermundo ocupado por espíritos incertos, por heroes e heroínas lendarios, por monstros que aparentan humanos, por animais fantásticos e por toda unha serie de seres atrapados nun "trasmundo" que, de xeito misterioso, ás veces se fai presente no noso mundo máis próximo. Antonio Reigosa,
Ilustracións de Noemí López, Xerais, Col. Infantil e Xuvenil, 2010, 104 páxs. 26
Nomes da historia, personaxes coñecidos e mesmo divindades propias da cultura relixiosa e popular disfrázanse até sorprendernos coa forza inquietante da súa presenza. Lugares como Coristanco, Vilafranca do Bierzo, Os Ancares, Armenteira, Malpica, Guitiriz, Mondoñedo, Celanova, Cedeira, Fisterra, Compostela, Viveiro, Ares, Nigrán, A Guarda, Neda, Muros, Valdomiño, Cerdedo, Ferrol, Montouto, Vilachá e unha morea de illas que adornan a nosa costa, entre outros moitos, agochan un misterio que explica, ás veces, a orixe de certos emprazamentos e o carácter das súas xentes.
11 nov 2010 / 05:38
Noticia marcada para leer más tarde en Tu Correo Gallego
Tema marcado como favorito