Programa amesán de Apego para as familias o venres en Bertamiráns

A Maía. O Concello de Ames vén de presentar a programación infantil con Apego para os vindeiros catro meses, cunha vintena de iniciativas que se desenvolverán ata maio, e que arrincan o vindeiro venres co espectáculo A fiestra dos Soños, do grupo Trotaventos, ás 18.00 horas na casa da cultura de Bertamiráns, que está dirixido a un público familiar. As entradas poden mercarse na billeteira electrónica, a través da web municipal. O custo das entradas é de 4 €, con descontos do 50 % para maiores de 65 anos, menores de 12 e estudantes con carné.