Santiago
+15° C
Actualizado
sábado, 08 agosto 2020
16:27
h

Os rapaces da escola de verán debuxan ás superheronías de Valga nun obradoiro de ilustración

Seguiron as directrices que lles indicou a ilustradora Estefanía Padullés // As actividades das bibliotecas continúan o vindeiro luns co taller “A aventura de Daniela Pirata”, no Auditorio Municipal

A Casa da Cultura de Valga recibiu esta mañá á ilustradora Estefanía Padullés, que impartiu o obradoiro “As superheronías do noso pobo”, centrado en debuxar a mulleres representativas de Valga. A actividade, na que participaron os nenos e mozos da Escola de Verán, enmarcouse dentro da programación estival das bibliotecas municipais para o fomento da lectura entre a mocidade.

Os rapaces comezaron practicando as técnicas da ilustración con mulleres célebres como a pintora mexicana Frida Kahlo ou a científica alemá María Sibylla Merian. A continuación, tiveron que debuxar a mulleres valguesas, pero non soamente famosas, senón tamén a mulleres representativas e importantes para as núas vidas: nais, avoas ou mestras foron algunhas das eleccións.

As actividades organizadas polas bibliotecas municipais dentro do programa “Ler Conta Moito” continúan o vindeiro luns, 12 de agosto, con “A aventura de Daniela Pirata”, un contacontos interactivo no que a través dun conto sobre igualdade de xénero, se proporá aos participantes superar varias probas para converterse en auténticos piratas e obter o desexado tesouro. Será a partir das 11 horas no Auditorio Municipal con entrada de balde.

06 ago 2019 / 10:56
Noticia marcada para leer más tarde en Tu Correo Gallego
Tema marcado como favorito