Santiago
+15° C
Actualizado
viernes, 10 julio 2020
14:50
h

Rianxo proxecta complementar cun módulo de alzhéimer o centro de día

Ca inminente compra do Pazo de Rianxiño ábrese a posibilidade e, a Xunta, apoiaríao

Rianxo. No transcurso da vindeira semana, o alcalde de Rianxo, Adolfo Muíños, terá xa sobre a súa mesa o informe económico sobre as ofertas bancarias para a contratación dun crédito por importe de 1,6 millóns de euros para a adquisición do Pazo de Rianxiño, con vistas a instalar nel un centro de día. O rexedor agarda firmar a compra do inmoble no mes de marzo.

Pero, para complementar dito servizo, proxecta tamén a instalación dun módulo para persoas con alzhéimer, de tal xeito que os dous mesmo poderían compartir algúns espazos.

O executivo xa recibiu hai un ano unha proposta de convenio de Agadea para intentar poñer en marcha esa dotación asistencial na vila, pero a falta dun local axeitado fixo que se aparcase. Agora, dado que a superficie do pazo si o permitiría, volve estar en estudo.

O mandatario municipal reuniuse esta semana ca titular do departamento autonómico de Política Social, Fabiola García, que se comprometeu a estudar o apoio con prestacións públicas ós usuarios dos dous futuros centros. Por outra banda, a conselleira dixo que a Xunta elevou ata case 37.500 as horas anuais do Servizo de Axuda no Fogar no municipio (un 48,3% máis).

20 feb 2019 / 00:00
Noticia marcada para leer más tarde en Tu Correo Gallego
Tema marcado como favorito