Transformar a realidade
NO acto de apertura do curso do C.M. La Estila, Santiago Álvarez de Mon (profesor do IESE) falou de liderado. Cando nos falan de Churchill -dixo- pensamos na II Guerra Mundial, pois foi clave para a causa aliada. Igual que, cando escoitamos falar de Mandela, pensamos en quen acabou co apartheid.
O primeiro encargo dun líder é transformar a realidade. Se leva as ideas cosidas á pel pero está desconectado da realidade, non poderá transformala. Podes enfadarte coa sogra ou co xefe, pero non coa realidade.
O líder -ante un cliente, un proveedor, un fillo ou un votante- ao final ten que ter a decisión, pero ligado á realidade. O drama da docencia é cando a potestas (capacidade xurídica) se exerce sen a autoritas. Igual que no mundo da familia ou da empresa. O autoritarismo, os berros, indican falla de seguridade. De Mon aclarou que falaba de liderado desde o punto de vista da calidade da relación. De confianza, respecto, credibilidade, enerxía, paixón e de dedicar tempo aos clientes, aos alumnos ou os fillos.
Somos seres dialóxicos, sociais. Se só lemos dunha cousa, nos empobrecemos. Un executivo que só le balances, perde perspectiva. Hai que xestionar a diversidade.
Os debates na tele teñen de debate o que eu de astronauta -dixo-. Non escoitan, interrómpense... Como serán na casa! Ás veces hai que contar as cousas con tranquilidade, con detalle; non pola liña recta. Se o xefe ten a tensión alta ás 8 h da mañá, mellor falar con el ás 13 h.
Pode conversarse se non temos tempo, sen paciencia, ou sen escoitar? Hai preguntas que son afirmacións encubertas. Buscar o consenso está ben, pero ás veces hai que saber dicir que non. Senón tes coraxe para dicir que non, de que vale o teu si?
Tender pontes de entendemento. O outro é o meu outro eu. Eu non son máis que o outro: isto din os personalistas. Para isto hai que saír do confort do eu. Necesitamos encontros de mentes, de corazóns. Estamos nunha sociedade maniquea, violenta. Todo son insultos e descualificacións. Dicía Ganivet que a palabra, unha vez a dis, xa non é túa. Deberiamos contar tres antes de dicila.
Licenciado en Dereito