Santiago
+15° C
Actualizado
miércoles, 05 agosto 2020
17:13
h

Usuarios de Amicos limparon o paseo boirense no estuario do río Coroño

Cristina Pichel fíxolles entrega dos diplomas do programa de voluntariado xuvenil

A directora xeral de Xuventude, Cristina Pichel, visitou onte a asociación de persoas con discapacidade intelectual Amicos en Boiro para entregar os diplomas acreditativos ós oito participantes no programa de voluntariado xuvenil posto en marcha o ano pasado.

Este proxecto contribúe á integración social dos usuarios e usuarias de dita entidade grazas ó apoio laboral e ó fomento de actividades deportivas, culturais e medioambientais.

A Xunta de Galicia destinou máis de 5.500 euros ó citado colectivo con fin de desenvolver este proxecto, así como outro plan que tiña como fin consolidar un grupo estable de colaboradores con formación adaptada e precisa para distintos ámbitos.

Logo de coñecer as instalacións, desprazouse ata o paseo fluvial do estuario do río Coroño, donde tivo lugar a recollida de lixo feita polos protagonistas desta campaña ó longo de case tres quilómetros. Alí, o alcalde, Juan José Dieste Ortigueira, destacou que, ademais do aspecto formativo, con estas iniciativas incídese na concienciación.

Posteriormente, ambos comprobaron o estado do campamento boirense de mozos e mozas que se ubica en Espiñeira.

21 mar 2019 / 00:00
Noticia marcada para leer más tarde en Tu Correo Gallego
Tema marcado como favorito