Vila Sexto presenta 'As crónicas do viaxante'

TRILOXÍA No coche de viaxeiros do Verderón, en Santiago, acompañados pola borrasca Carlos, presentouse onte a triloxía de Carlos Vila Sexto (A Coruña, 1977), As crónicas do viaxante, o afamado escritor e guionista de Los misterios de Laura, Motivos personales e Presunto culpable, entre outras series. Editada por Rodeira, a obra, segundo contou o seu propio autor, foi o traballo de sete anos, entremesturada co seu labor como guionista, e inspirada polas novelas de Agatha Christie, aínda que ten influencias tamén das películas dos oitenta de Steven Spielberg. Concibiuse coma unha obra de misterio dividida en tres grandes actos, e cada novela ten o seu subxénero, que vai desde a intriga policial ata o terror, seguindo sempre os pasos do protagonista.