Santiago
+15° C
Actualizado
sábado, 15 agosto 2020
22:19
h

Xuventude Galicia Net convocou máis de 8.000 participantes

A Xunta fai un balance “moi positivo” do encontro dixital//O aforo completouse nos relatorios de Enrique Dans e Leopoldo Abadía

O Encontro Dixital Xuventude Galicia Net que organizou ao longo deste fin de semana en Santiago a Dirección Xeral de Xuventude pechou un ano máis as súas portas cun balance "moi positivo", co paso polo Pazo de Congresos e Exposicións de máis de 7.000 persoas. A esta cifra súmanse os máis de 1.000 mozos e mozas que se inscribiron para participar durante os tres días na intranet.

Unha das iniciativas máis valoradas nesta edición foi o bloque temático dedicado ao emprendemento como saída fronte á crise. Máis de 500 participantes participaron ao longo de toda a semana para elixir os tres mellores proxectos, defendidos ante un xurado.

Ademais, a mesa redonda sobre o emprendemento e unha sesión de networking non convencional, na que mesturaron as técnicas de citas rápidas, foi todo un éxito, o igual cos relatorios, especialmente os de Enrique Dans e Leopoldo Abadía, con aforos completos.

Así mesmo, é preciso salientar que a oferta formativa foi a máis completa das trece edicións celebradas no Encontro de Xuventude Galicia Net. Abordouse un amplo abano de materias dirixidas para todos os públicos ao longo dos tres días, como, por exemplo, hacking ético, neuromarketing web ou redes sociais.

Con respecto á extranet, onde tiveron lugar as actividades ao aire libre, converteuse nesta edición nun punto de encontro de pais e fillos, mozos e mozas arredor das novas tecnoloxías.

As colas sucedéronse todo o fin de semana para acceder aos simuladores de golf ou tiro. Tamén houbo moita afluencia de público nos obradoiros de maquillaxe, no stand de consolas e no de ciencia divertida dirixida para os máis cativos.

Os amantes da arte tamén tiveron un oco no exterior do Pazo de Congresos no que o Graffiti foi o protagonista e dentro da party realizáronse, ademais, diversas actividades relacionadas co modding, hardware e overclocking. Así mesmo, destacaron os campionatos de xogos con pc´s como o de Counter Strike 1.6, League of Legends, Super Street Fighter 4, ProEvolution Soccer. Para competir sen os ordenadores, houbo lanzamento de CD, air guitar ou dobraxe, entre outras.

Por último, as noites temáticas de cine, a novidade desta edición da land party tamén foron un éxito. Xuventude Galicia Net non pechou as súas portas pola noite, ofrecendo de balde noites de cine temática.

 

07 may 2012 / 00:00
Noticia marcada para leer más tarde en Tu Correo Gallego
Tema marcado como favorito