Agenda cultural: ¿Qué hacer hoy, 1 de diciembre, en Santiago?

Máis de 500 figuras no Belén da igrexa de San Fiz de Solovio

Dende o pasado venres e até a véspera da chegada dos Magos de Oriente (5 de xaneiro) poden visitarse os distintos beléns que hai espallados pola cidade. Un deles é o que se instalou na igrexa de San Fiz de Solovio, montado polo belenista José Uzal e que conta con máis de 500 figuras, pezas en movemento e efectos especiais de iluminación e son. Entre as diferentes escenas que se representan está a Adoración dos Magos. Pódese visitar nas fins de semana, festivos e vacacións escolares de 11 a 14 horas e de 16 a 21 horas.

Paco Otero, belenista de Conxo: "Esto solo se puede hacer por pasión y fe"

A Banda de Música de Santiago leva ‘Pedro e o lobo’ ao Auditorio

A compañía de títeres Fantoches Baj e a Banda Municipal de Música de Santiago adaptan o clásico conto de Pedro e o lobo, nunha representación de 50 minutos, para maiores de 3 anos, que dá comezo ás 12 horas no Auditorio de Galicia. Unha proposta representada con marionetas manipuladas coa técnica xaponesa do bunraku e acompañadas coa música do clásico de Prokofiev. A peza sitúa a historia nun mundo rural illado da modernidade e contextualiza o conto nunha estación de tren pechada.

Numax presenta o último filme de Margarita Ledo

Ás 19.35 horas o cine Numax proxecta a última película de Margarita Ledo, Prefiro condenarme, nunha sesión que vai contar con coloquio coa directora e catedrática de Comunicación Audiovisual da USC. En Prefiro condenarme, Ledo narra a historia de "mil caras" de Sagrario, mariscadora na ría de Ferrol, atravesada pola ditadura e a transición.

Cita co jazz de Sumrrá na Casa das Crechas

O local de Vía Sacra, 3, a mítica Casa das Crechas, acolle un domingo máis a ineludible cite coa banda local de jazz Sumrrá, formación composta polos músicos Manuel Gutiérrez (ao piano), Xacobe Martínez Antelo (no contrabaixo) e L.A.R. Legido (na batería). Se aínda non gozaches co directo dunha das bandas máis destacada da escena jazzística española, a música comezará ás 20 horas e o prezo da entrada é de 10 euros.

Mercado de Nadal e obradoiros infantís

Un ano máis a Carreira do Conde acolle o Mercado de Nadal. Un total de 70 postos con artesanía decorativa, produtos de alimentación gourmet, xoias, cerámica, coiro, téxtil e xoguetes compoñen a oferta do comercio local da cidade. Ademais, organízanse actividades para os pequenos da casa, esta mañá, ás 12 horas, ‘Os ananiños das festas’ no espazo infantil.