A Deputación subvenciona os gastos da fundación barcalesa de discapacitados
A Barcala. A Deputación da Coruña concedeu unha subvención á Fundación para a protección de persoas con discapacitade psíquica da comarca de Barcala de 16.000 euros coa que vai contribuír a diferentes gastos do centro ocupacional Negreira I.
Entre eles, destacan a compra de aprovisionamentos, gastos de seguros, produtos e material de limpeza, reparacións e conservación de equipos informáticos, servizos externos prestados como prevención de riscos, e protección de datos, combustible , gastos de teléfono ou luz.
“Esta subvención é imprescindible e necesaria para poder manter o centro ocupacional en funcionamento e así poder ofrecer o servizo de atención diurna ás dezaseis persoas usuarias dos concellos de Negreira e A Baña que asisten diariamente de luns a venres, de 10.00 a 17.00 horas”, di a directora, que aproveita para agradecer a aportación provincial “dada a súa importancia”. M. Manteiga