Agasallos para a infancia teense no Nadal
Dende o Concellería de Benestar animan aos veciños e veciñas a colaborar cunha aportación económica // Traballan en conxunto con establecementos locais
Teo. O programa de educación familiar do Concello, dependente da Concellaría de Benestar, está a organizar un Nadal con agasallos para toda a infancia teense. Nestas festas marcadas pola covid-19 buscan a colaboración e a complicidade da veciñanza coa aportación de contribucións de 15 euros en tres establecementos comercias de Teo: Multicentro Pernas, a Librería d´Ana e A Vagoneta Educativa. O importe total recadado utilizarase para obter agasallos destas tendas que serán repartidos entre os nenos e nenas do Concello.
As persoas interesadas en colaborar poden facer as doazóns ata o domingo 20 de decembro.
Para obter máis información pódese contactar con Servizos Sociais enviando unha mensaxe a servizossociais@teo.gal ou ben chamando ao 981809707.